مواضيع اليوم

أنت حر .. رابح التيجاني

التيجاني رابح رابح

2019-04-29 23:58:13

0

 


 

 

أنت حر .. رابح التيجاني

 


 
 

شهوة مول المظل

 

ف الشمس يتسركل

 

أو ف الظل

 

يعكل 

 

ونتا الحق معاك

 

ونتا مول العقل

 

فكر بسرعة  و فصل

 

حيي أو قتل

 

بيديك الشوار

 

والأمر والقرار

 

والعقد والحل

 

دير مايرضيك

 

نتا وما حلاليك 

 

كلك عسل 

 

واللي باقي يثيق

 

تعدا لبهل 

 

عمل مابغيتي عمل

 

قطع السناسل

 

فك اللجام وجفل

 

كل مايجي منك

 

بسيط وسهل

 

لطف منك وفضل

 

ختم هاد المأساة

 

بالقول

 

وبالفعل

 

وظلم أو عدل

 

نرتاح منك ترتاح مني 

 

مابقاش يهمني

 

مشكل ولاحل

 

نتا ديما معكس  قفل

 

كتقلب على جوا منجل

 

طلع او نزل

 

وآجي أو ارحل 

 

شهوة مول المظل 

 

نسى أو سول

 

قلبي معاك فشل

 

عياه الاحباط  ومل

 

قربت نهبل

 

حبك ف شي شكل

 

ماعندو راس ولا رجل

 

بطاطا بالرطل 

 

ونواح وجراح  وذل

 

بالناقص منو أفضل

 

أحسن نرمي الحمل

 

نتهنى نلوح الثقل

 

صافي قررت نتسل

 

باش غدا مانوحل

 

نتفك دابا منك 

 

دابا قبل مانحصل

 

قلتهالك من قبل

 

وبلا مانطول 

 

حالك تبدل

 

كثير على الأول 

 

ختم الحكاية وكمل

 

ويلا عزمتي توكل

 

و يكفي  ماتمثل

 

تتوجع وتتوسل

 

وتبرر وتعلل

 

ماباقي ماتغزل

 

وتنسج وتفتل

 

سكت شويا وصقل

 

وهتم أو اهمل 

 

ورفض أو قبل

 

وطفا أو شعل

 

وصبر أو جهل

 

وكبر شاني  أو قلل

 

وحرم وحلل

 

وكبر وهلل

 

بان المقصود

 

بلا ماتعول

 

زرب أو تعطل 

 

عمرك ماتوصل

 

وإياك تغفل

 

جا دورك  استحمل

 

قاسي شويا وبالمهل

 

 

تأمل 

 

شموخ النخل

 

ورسوخ الجبل

 

وصمود النمل

 

وجود النحل

 

نتا مول العقل

 

دماغ العصفور

 

والكسدة بغل

 

ونتا مول المظل 

 

سير ف الشمس

 

أو سير ف الظل

 

 





التعليقات (0)

أضف تعليق


الشبكات الإجتماعية

تابعونـا على :

آخر الأخبار من إيلاف

إقرأ المزيــد من الأخبـار..

فيديوهاتي

LOADING...

المزيد من الفيديوهات